23-февраль Мекенди коргоо күнүнө карата элге таанымал эр-жигиттердин аскердик альбомдорун барактадык. Адабиятта, саясатта же болбосо сахнада жүргөн белгилүүлөр аскер курагында кандай болгону баарыбызга кызык болсо керек.
Аскердик альбом
1
Эл акыны Шайлообек Дүйшеев, мындан 40 жыл мурун СССРдин борбору Москва шаарынын этегинде Наро-Фоминск шаарында кызмат өтөгөн.
2
Өкмөт башчы Темир Сариевдин аскердеги жана азыркы күндөгү сүрөттөрү.
3
Саясатта генералдык деңгээлдеги орду бар Өмүрбек Текебаев Крым жарым аралындагы Феодосия шаарында курулуш батальонунда 1981-1983-жылдары кызмат өтөгөн.
4
Экс-премьер министр, "Республика - Ата-Журт" фракциясынын лидери Өмүрбек Бабанов Германия Демократиялык Республикасынын Кенигсбрюг шаарында аскердик милдетин аткарган.
5
Ак бантик байланган кызга ашык болуп, элге таанылган эстрада ырчысы Мерген Турган (Мергенбек Рысалиев) 1986-1988-жылдары ошол кездеги Чехословакияда танк батальонунда радисттин милдетин аркалаган. Мыкты кызматы үчүн улук сержант даражасына чейин жеткен.
6
Коопсуздук боюнча мурдагы вице-премьер Токон Мамытов аскердик күндөрүн Чехословакиянын Шумперг шаарында өткөргөн. Мамытов 1972-1974- жылдары зениттик артиллериялык полктун катарында советтик аба чек араларын кайтарган.
7
"Бир Бол" фракциясынын лидери Алтынбек Сулайманов Москва шаарында кызмат өтөгөн.
8
Жогорку Кеңештин депутаты Алманбет Шыкмаматов 1988-1990-жылдары Ыраакы Чыгыштагы Тынч океанында аскер-деңиз флотунда кызмат өтөгөн.
9
Жогорку Кеңештин депутаттары Осмонбек Артыкбаев Баку шаарында аба учактарын ондоп кызмат кылса, Каныбек Иманалиев Забайкалье крайында ракеталык бригадада бөлүм командири болгон.
10
Өзгөчө кырдаалдар министри, генерал-майор Кубатбек Боронов Киев шаарында аскердик милдетин аткарган.