Казакстандын президенти Нурсултан Назарбаевдин 5-мартта Астанадагы McDonald's тез татым ресторанына баш багышы өлкөдө талкуу жаратты.
Социалдык тармактардагылар муну фастфуд жегиле деген ишара катары кабылдашты.
Ал эми президенттин маалымат катчысы Даурен Абаев мындай пикирлерди четке кагып, Назарбаевдин визити чет элдик инвесторлорду казак экономикасына акча салууга чакырык деп атады.
Казак бийлиги McDonald's тез татым ресторандар түйүнү келечекте өлкөдө 20 миң кишиге жумушчу ордун түзөт деп билдирет.
