Кыргызстандын «Азия MIX» командасы 11-мартта КВНдин Жогорку лигасында алгачкы оюнун өткөрөт. Оюндардын расмий сайты кабарлагандай, 1/8 финалдык бөлүктө уткан үч команда кийинки тайпага өтөт.
Жалпысынан 20 команда 1/8 финалда төрт тайпага бөлүнүп ойномокчу. «Азия MIX» 3-тайпага туш келип, Орусиянын төрт командасы менен жарышка чыгат.
Кыргызстандын «Азия MIX» командасы өткөн жылы Орусиянын КВН боюнча Жогорку лигасында жарым финалга чейин жеткен. (SDz)
