Улуттук оппозициялык кыймылдын лидерлеринин бири Кубанычбек Кадыровдун 9-мартта “Азаттыкка” билдирүүсүнө караганда, алар 14-мартта жер-жерлерде өтчү митингдерге катышат. Ал жыйындардын негизги талаптары элдин социалдык-экономикалык абалын начарлаткан чечимдерди жокко чыгаруу, Кумтөр маселеси чечилгенге чейин Жерүй кенин ачпоо керектигин Кадыров белгиледи:
-Улуттук оппозициялык кыймыл элдин талабын толук колдойбуз. Бүгүнкү күндө азыркы бийлик ыңкылаптардын талабын аткарбай, элдин абалы начарлоодо. Ошон үчүн 14-мартта боло турган митингдерге тынтык митингге катышып, бүгүнкү абалды айтабыз.
Бийлик өкүлдөрү тынчтык митингдер өтө берерин, ал эми коопсуздукту камсыздоого күч-кубат жетиштүү экенин билдирүүдө. (AiT)
