Бул туурасында “Азаттыкка” Илимдер академиясынын Археология бөлүмүнүн башчысы Кадича Ташбаева билдирди. Анын айтуусунда, окумуштуулар азырынча бул маалымат менен басма сөз каражаттарынан кабардар болгонун, расмий маалымат алары менен окумуштуулар тобу Ысык-Көлгө бара тургандыгын билдирди.
Ташбаева бул уникалдуу жана өтө баалуу табылга болушу мүмкүн экендигин белгилеп, мындай калдыктар 90-жылдарын башында Таласта дагы табылганын кошумчалады. Мамонттун калдыктары Ысык-Көл облусуна караштуу Отрадное айыл өкмөтүндө Жыргалаң суусуна жакын жерде табылганын 14-март күнү облустук акимчилик билдирген. Ушул тапта аталган аймак тосулуп, милиция кызматкерлери тарабынан кайтарылууда. (AzK)
