Линктер

ЧУКУЛ КАБАР!
20-Октябрь, 2021 шаршемби, Бишкек убактысы 10:03

Кыргыз-өзбек чегинде кырдаал курч бойдон калууда


Кыргыз-өзбек чек арасындагы чыңалган кырдаал өзгөрүүсүз калууда. Бул тууралуу Мамлекеттик чек ара кызматынан билдиришти. Абалды жөнгө салуу үчүн Чек ара кызматынын башчысынын орун басары, полковник Таалайбек Усубалиев бүгүн, 19-мартта талаштуу тилкеге барды.

Учурда кыргыз чек арачылары Өзбекстандын аскер күчтөрү кирип келген аймакты күчөтүлгөн режимде кайтарууда. Кыргыз-өзбек чегиндеги өткөрмө бекеттер жабык бойдон турат. Бир гана Кызыл-Кыя бекети ачык, ал жерден Өзбекстандын Сох жана Шахимардан анклавдарынын жашоочулары өтүшөт.

18-мартта саат жети жарым чамасында Жалал-Абад облусундагы Кербен-Ала-Бука жолунун чек арадагы тактала элек бөлүгүнө Өзбекстандын 30-40 чек арачылары кирип келип, эки БТР жана эки КамАЗ унаасын токтотуп койгон. Тышкы иштер министрлиги Ташкентке нота жөнөткөн. Чек арадагы кырдаал боюнча өкмөт чукул жыйынга чогулуп, кыргыз тарап да аталган аймакка чек арачыларын койгон. Өзбекстандын коопсуздук кызматы бул аракетин Нооруз майрамына карата чек ара бекеттерин чыңдоо ниети менен байланыштырууда. (UEz)

Пикирлерди көрүңүз (21)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG