Бельгиядагы жардырууларга байланыштуу 22-марттан тарта өлкөдөгү аэропорттордун кызматкерлеринен кылдаттык талап кылына баштады. Бул тууралуу “Манас” эл аралык аба майданынын басма сөз катчысы Алия Курбанова “Азаттыкка” билдирди.
-“Манас”, Ош, Жалал-Абад жана Ысык-Көлдөгү аэропорттор учуу жана жүргүнчүлөр коопсуздугун камсыздоо максатында күчөтүлгөн эреже менен иштеп жатат. Ар бир жүргүнчү өтө кылдат текшерүүдөн өткөрүлүүдө,- деп айтты Курбанова.
Жүргүнчүлөргө этият болуу, чоочундардан кат жана башка буюмдарды аманат катары албоо, аба майдандын аймагында баштыктарды, жүктөрдү кароосуз калтырбоо, узатуучу жок эле келүү сунушталууда. (NT)
