Москвада сапарда жүргөн АКШ мамлекеттик катчысы Жон Керри кесиптеши Сергей Лавров менен жолугушуусу тууралуу “маанилүү өнөктөш менен жемиштүү диалог болду” деп Твиттерге жазды.
Эки тарап жолугушууда Сирия жана Украинадагы кризисти деталдуу талкуулашты.
Сүйлөшүү алдында Керри “Сириядагы морт жана жарым-жартылай элдешүү” ал өлкөдөгү зомбулукту азайтканын, эми мамилени андан ары жакшыртып, согуштан талкаланган аймактын элине гуманитардык жардамдын көлөмүн көбөйтүү зарылдыгы турганын белгиледи.
Бейшембинин кечке жуук Керри Орусия президенти Владимир Путин менен жолугушат.
