Тарых жана маданият жылын өткөрүү дирекциясы быйыл Кыргызстандын аймагында кеминде 6 миллион бактын көчөтүн отургузууну көздөп жатат. «Бир жарандан бир көчөт» акциясынын алкагында бүгүнкү күнгө карата 1 миллион 18 миңден ашуун бак-дарактын көчөтү отургузулду.
Алдыда Бишкек шаары - 320 миң көчөт. Андан кийин Баткен облусу келатат - 250 миң.
Ал эми Ысык-Көл жана Талас облустарында, дирекциянын маалыматына караганда, иш солгун жүрүп жатат. Аталган аймактарда болгону 3 миңден гана көчөт отургузулду.
Быйылкы жыл Кыргызстанда Тарых жана маданият жылы деп жарыяланган. Жакында өлкөнүн калкы 6 миллионго жеткени расмий кабарланды. (RK)
