Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 12:20

Уурдалган унааны минип жүргөн кызматкер иштен бошотулду


Маңзаттарды көзөмөлдөө боюнча мамлекеттик кызматынан маалымдашкандай, 28-мартта түркиялык жарандын уурдалган унаасына тиешеси бар кызматкер –Э.К. иштен алынды. Ал эми анын жетекчилерине сөгүш жарыяланды.

Мурдараак кабарлангандай, Түркиянын жараны Эрхан Катаналп өзүнүн уурдалып кеткен автоунаасын маңзаттарды көзөмөлдөө кызматынын өкүлү башка номер менен айдап жүргөнүнө даттанып, Акыйкатчыга кайрылган. Маалыматтарга ылайык, түрк жараны 2015-жылы КGFH 2212 мамлекеттик номерлүү «Мерседес Бенц Е-240» автоунаасын уурдатып жиберген.

Үстүбүздөгү жылдын 12-мартында ал өз унаасын Токтогул көчөсүндө маңзаттарды көзөмөлдөө боюнча мамлекеттик кызматтын имаратынын алдындаТ4086D мамлекеттик номери менен турганын көрөт. Милиция иликтөө иштерин жүргүзгөн учурда автоунаанын кузовундагы номуру менен Эрхан Катаналптын атына жазылган техникалык паспорттогу номуру дал келген. Учурда милиция уурдалган автоунаа маңзаттарды көзөмөлдөө боюнча мамлекеттик кызматтын оперативдүү кызматкерлеринин колуна кантип түшүп калганын иликтөөдө.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG