Жогорку Кеңешинин Эл аралык иштер, коргоо жана коопсуздук боюнча комитетинин кезектеги жыйынында бүгүн Аксы районунун Үңкүр-Тоосунда жайгашкан “Кербен” (РРС-24) радиорелейлик станциясы боюнча маселе каралды.
Тиешелүү мекемелердин маалыматын уккандан кийин өкмөткө төмөнкүдөй сунуштар берилди:
- Аксы районунун Үңкүр-Тоосунда жайгашкан “Кербен” станциясын башка жерге көчүрбөстөн азыркы турган ордунда калтыруу жана анын ишмердүүлүгүн күчөтүү.
- Бул маселе боюнча жарандарга түшүндүрүү иштерин жүргүзүү.
- Башкы прокуратурага "премьер-министрде 2015-жылдын 11-ноябрында өткөн кеңешменин №18-177 протоколу бурмаланууда" деген маалыматты текшерүү жана юридикалык баа берүү.
Башкы прокуратура бул боюнча толук маалыматты 20-апрелге чейин берүүсү милдеттендирилди. (RK)
