Өзбекстандык журналист, адам укуктары жаатында макала жазып, өлкөдөн кетүүгө мажбур болгон Ризохужа Обидов оорудан улам Голландияда көз жумду. Ал 58 жаш курагында Тил шаарындагы ооруканада 30-мартка караган түнү каза тапканын жакындары кабарлады.
Ризо Обид деген каймана ат менен эмгектенген журналист Наманган шаарында төрөлгөн. Эл аралык басылмалар менен кызматташып, 2005-жылдагы Анжиян окуясынан кийин бийлик басымынан качып, Өзбекстандан кеткен. Андан бери Голландияда башпаанектеп жүргөн.
Чет элде кезинде zamondosh.info маалымат сайтын негиздеген.