Жогорку Кеңештин төрагасы Асылбек Жээнбеков Орусиянын Мамдумасынын төрагасы Сергей Нарышкин менен жолугуп, эки тараптуу кызматташууну талкуулады. Жолугушууда эки өлкөнүн мындан аркы кызматташуусу жана парламенттер аралык байланыштын келечеги тууралуу сөз болду. Спикерлердин сүйлөшүүсүнө КСДП жана “Республика Ата-Журт” фракцияларынын лидерлери да катышты.
Орусиянын Мамлекеттик Думасынын төрагасы Сергей Нарышкин расмий сапар менен Бишкекке келген. Ал “Евразиялык экономикалык келечек” аталышындагы эл аралык экономикалык форумга катышууда. Иш-чарага Жогорку Кеӊештин депутаттары, ЕАЭБге мүчө мамлекеттердин эл өкүлдөрү, өкмөт мүчөлөрү жана коомчулук өкүлдөрү катышууда.(UEz)
