Бүгүн Кыргыз-түрк “Манас” университетинде Курут фестивалы өттү. Ал кыргыз улуттук ашканасынын артыкчылыктарын көрсөтүү, Бишкекте жүргөн конок-саякатчыларды улуттук тамак-аш менен тааныштыруу максатын көздөдү. Иш-чараны университеттин Туризм жана мейманкана иштери боюнча жогорку мектеби Туризм департаментинин колдоосу менен уюштурган. Курут – Борбор Азия өлкөлөрүндөгү кычкыл сүт продуктусу болуп саналат. Жети облустан келген ишкерлер сунуштаган куруттун жаңы түрлөрү коноктордун өзгөчө кызыгуусун жаратты.