21-апрелде Чүй, Талас, Ош, Жалал-Абад, Баткен облустарынын көпчүлүк аймактарында жаан жаап, тоолуу райондордо кар түшөт, айрым жерлерде жаан-чачын катуу болот. Ысык-Көл, Нарын облустарында жаан-чачын айрым жерлерде гана болот. Бийик тоолуу аймактарда жолдор тоңголок, тайгак болот. Батыш тараптан келген шамалдын ылдамдыгы секундасына 4-9 метрден, Ысык-Көл ойдуңунда 15-20 метрге жетет.
Абанын температурасы:
Чүйдө түнкүсүн 5...10, күндүз 10...15,
Таласта түнкүсүн 3...8, күндүз 10...15,
Баткенде түнкүсүн 4...9, күндүз 12...17,
Ош жана Жалал-Абадда түнкүсүн 5...10, күндүз 13...18,
Ысык-Көлдө түнкүсүн 4...9, күндүз 13...18,
Нарында түнкүсүн 2...7, күндүз 14...19,
Бийик тоолуу райондордо түнкүсүн -4...-9, күндүз -4...+1.
Бишкекте маал-маалы менен жаан жаашы мүмкүн. Абанын температурасы түнкүсүн 8…10, күндүз 13...15.
