Линктер

бейшемби, 21-сентябрь, 2017 Бишкек убактысы 16:56

«Кыргыз-казак бир тууган» комедиясы чоң экранга чыгууда


Кыргызстандын искусствосуна эмгек сиңирген ишмер Нурлан Абдыкадыровдун “Кыргыз-казак бир тууган” кинокомедиясы чоң экранга чыгууда.

Тасма эки бир тууган элдин өз ара мамилеси, тили, маданияты жана каада-салттарынын өзгөчөлүктөрүн ачып көрсөтөт. Каармандардын мүнөзүнүн жеке өзүнө тиешелүү оригиналдуу жактарын толук ачып берүү үчүн комедия жанры тандалып алынган деп билдирди бүгүн "Азаттыкка" режиссер Абдыкадыров:

- Көп кыргыздар Казакстанда, Орусияда иштейт. Элибиздин ички дүнүйөсү, тарыхы, салты канчалык бай экенин көрсөтөйүн дегем. Кыргыз элинин да, казак элинин да.

Сюжетинде бир нече улуттун өзгөчөлүктөрү камтылган комедияда үй-бүлө курууну чечкен казак кыз менен кыргыз жигит туугандарынын каршылыгына кабылат. Туугандар бир чечимге келгенче баарынын башынан бир топ, бир чети күлкүлүү, бир чети өкүнүчтүү окуялар өтөт.

2013-жылдан бери тартылып келе жаткан кинокомедиянын бет ачары 28-апрелде Бишкекте өтөт жана ошондон тарта кинотеатрларда көрсөтүлө баштайт.

Режиссердун айтымында, тасманы тартууга жалпысынан 250 миң доллар кетти. 2 миллион сомду "Кыргызфильм" берген, калган каражатты Абдыкадыров өзү тапканын айтууда. (RK)

Сиздин пикир

пикирлерди көрсөт

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG