Жалал-Абадда облус казысы Абдулазиз каары Закиров баштаган район имамдары жана мечит молдолору Сузак районунун Октябр айылындагы карылар жана майыптар үйүнөн кабар алышты. Облустук казыяттан “Азаттыкка” билдиришкендей мындай иш-чара алгачкы жолу уюштурулуп, Базар-Коргон районунан келген мечиттин имамы өзүнүн эки айлык маянасын карыларга которду. Мындан сырткары казыят да жардам берди.
1959-жылы уюшулган карылар үйүндө 100дүн терегинде багар-көрөрү жок адамдар, майыптар жашайт. (RsK)
