Apple компаниясы 26-апрелде маалымдагандай, Айфон (iPhone) үлгүсүндөгү смартфондордун соодасы солгундады. Былтыр жылдын биринчи чейрегинде компания 51 миллион смартфон саткан болсо, быйыл андан 10 миллионго азайган.
Адистер буга Кытайдын суроо-талабы азайганын негиз кылып жатышат. Буга чейин Apple компаниясы чыгарган каражаттарына Кытайда талап күчтүү болчу.
Айфон смартфону 2007-жылы иштелип чыккандан бери өндүрүштөгү эң ийгиликтүү аппараттардын көч башында турат.
Компаниянын мүлк-дүнүйөсү былтыр 290 миллиард долларга бааланган жана 54 миллиард доллар киреше алган. Анда бардыгы 115 миң адам эмгектенет.
