Линктер

ЧУКУЛ КАБАР!
20-Октябрь, 2021 шаршемби, Бишкек убактысы 14:13

Өмүркулов: Депутат Ашэра Халикованын мандатын тапшыруу боюнча арызы келип түшкөн жок


Ашэра Халикова

Жогорку Кеңештеги Социал-демократтар фракциясынын депутаты Ашэра Халикованын депутаттык мандатын тапшыруу боюнча арызы фракцияга келип түшө элек. Бул тууралуу фракция лидери Иса Өмүркулов “Азаттыкка” билдирди. Анын айтымында, Халикова арыз жазса, Борбордук шайлоо комиссиясына берилиши керек.

“Менин дарегиме андай арыз түшкөн жок. Эгер кайсы бир депутат арыз жазса, Борбордук шайлоо комиссиясына берилиши керек” - деди Иса Өмүркулов.

Өмүркулов депутаттардын арасында мандат тапшырчулар бар экени тууралуу сөздөр айтылып келгенин четке каккан жок.

Буга чейин КСДПнын мүчөсү Ашэра Халикованын депутаттык мандатын тапшыруу боюнча арыз жазганы тууралуу айтылган. Азырынча бул тууралуу депутат расмий билдирүү жасай элек.

Өткөн жумада "Бир бол" фракциясынын мүчөсү Лунара Мамытова мандатын тапшырганын жарыялаган. Ал бул боюнча Борбордук шайлоо комиссиясына арызды 29-апрелде берген.(BkA/ErN)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG