НАТО Польша менен Балтика өлкөлөрүнө аскердик күч жайгаштыруу маселесин талкуулап жатат. Бул тууралуу АКШ коргоо министри Эш Картер жалпыга маалымдоо каражаттарына билдирди. Анын айтуусунда, бул аракет “орусиялык агрессияга” каршы туруу максатын көздөйт.
Союздаштар талкуулап жаткан эл аралык күчтөр төрт батальондон турушу мүмкүн. Буга чейин АКШ келерки жылдын февралына чейин Чыгыш Европага 4200гө чукул жоокерден турган күч жиберилиши мүмкүн экенин билдирген эле.
