Европа комиссиясы мигранттарды кабыл алуудан баш тарткан мамлекеттерге айыппул салууну сунуштады. Анда Европа биримдигине мүчө мамлекеттердин баарына башпаанек сурап келгендерди кабыл алуу милдетин жүктөө, андан баш тарткандарга ири өлчөмдө айыппул салуу белгиленген.
Мындай сунушка биримдиктин мигранттарды тең бөлүшүү аракетине каршы чыгып жаткан Польша, Венгрия жана Чехия расмий бийликтери макул эмес.
Жакынкы Чыгыштагы согуш тутанган өлкөлөрдөн миллиондогон качкындар агымы өткөн жылдан бери Европаны каптап, континентте биртоп проблеманы жаратууда.
