Бүгүн Дүйшөмбүдө эки күндүк иш сапарын баштаган Ашраф Гани Тажикстандын жетекчилери менен эки тараптуу сүйлөшүүлөрдү өткөрөт. Анын соңунан бир катар келишимдерге кол коюлары күтүлүүдө.
Мындан сырткары ооган президенти CASA -1000 долбоорунун расмий ачылышына катышат.
Акчалай наркы азыр 1,17 миллиард долларга бааланып жаткан долбоор Борбор Азиядан электр кубатын Ооганстан, андан ары Пакистанга жеткирүүгө багытталган.
Долбоорду баштоо боюнча 11-майга белгиленген расмий жөрөлгөгө Ооганстан менен Тажикстандан тышкары Кыргызстан жана Пакистан лидерлеринин да катышуусу мерчемделген. (UE)
