Мындай пикирин Нариман Түлеев журналисттер үчүн уюштурулган маалымат жыйында билдирди. Ал негизги убактысын үй-бүлөсүнө, жакындарына бөлүп, өзүн калыбына келтирүүгө жумшарын айтты. Ошондой эле өзүнүн актыгын далилдөө үчүн сотко кайрылууга даярдык көрмөкчү. Түлеев Кыргызстандын соттору актабаса, эл аралык сотторго чейин кайрыларын, чет мамлекетке кетпей турганын маалымдады.
Нариман Түлеев 2012-жылы 22-июнда кармалып, камакка алынган. 2013-жылы июль айында сот тарабынан 11 жылга эркинен ажыратылган. 2016-жылы 7-майда мамлекетке келтирген акчалай зыянды төлөгөнү үчүн мунапыстын негизинде бошотулган.(ZKo)
