АКШ президенти Барак Обама 13-майда Швеция, Дания, Финляндия, Норвегия жана Исландиянын лидерлерин кабыл алат. Сүйлөшүүнүн өзөгүн Жакынкы Чыгыштан Европага агылган бозгундар тагдыры түзөрүн Ак үй кабарлады. Жолугушуулар Европа лидерлеринин мамлекеттик сапарынын алкагында өтөт. Андан тышкары, Орусиянын Крымды аннексиялап алышы, анын Балтика мамлекеттерине туудурган коркунучу тууралуу да талкуу болот. Ак үй Москванын агрессиясын басаңдатуу жаатында европалык союздаштардын бирдиктүү аракети зарылдыгын белгилейт.
