Бишкектин Ала-Тоо аянтында Дүйнөлүк көчмөндөр оюнуна чейинки убакытты эсептеп турган саат расмий ачылды. Анын ачылышына шаар тургундары, өкмөттүн, Бишкек шаардык мэриясынын өкүлдөрү, чет өлкөлүк коноктор күбө болду. Саат темирден жасалып, улуттук стилде кооздолгон. Оюндарга 111 күн калды.
Бүгүндөн тартып бул саат убакытты саноону баштайт. Анын ачылыш аземи кол өнөрчүлөрдүн жармаңкеси, маданий иш-чаралар, ырчы-чоорчулардын концерти менен коштолууда. Дүйнөлүк көчмөндөр оюндары быйыл сентябрга белгиленген. (NT)
