Өткөн ишемби күнү Жалал-Абад шаарында "Хизб ут-Тахрир" диний экстремисттик уюмуна мүчө катары каттоодо турган 5 жарандын үйү тинтүүгө алынып, далил буюмдар табылды.
Бул тууралуу облустук милициянын басма сөз кызматы билдирди.
Маалыматка караганда, облустук казыят жана УКМК биргеликте жүргүзгөн иш-чарада жарандардын үйүнөн 5 даана диний багыттагы китеп, 19 видео-диск, 9 дептер, ок атуучу куралды 36 даана огу жана травматикалык тапанча табылган.
Алынган материалдар тергөө тобуна өткөрүлүп берилип, теологиялык экспертиза дайындалууда.
Облус аймагында бул уюмга мүчө катары 500гө чукул адам каттоого алынса, быйыл 7 адам анын катарынан чыкканын жарыялаган. (RsK)