Орусиялык оппозиционер Александр Навальный жана анын Коррупцияга каршы күрөш фондунда иштеген беш адам өлкө түштүгүндөгү Анапа аэропортунда кол салууга туш болушту. Навальный билдиргендей, алар учактан чыгары менен бир канча киши ур-тепкиге алган. Фонддун ыктыярчысы, “Дождь” телеканалынын алып баруучусу Артем Торчинский ооруканага түштү. Айрымдары жеңил жараат алган.
Александр Навальный жана анын фондунда иштеген 30дан ашуун кызматкер Анападагы айылдарда иликтөө жүргүзгөнү барышкан. Алар учактан түшөр замат белгисиз кишилер сүт куюлган баштыктарды ыргытып, “Биздин жерди жайына кой!” деп чуу салышкан.
