Аксы райондук акимчилигинде бүгүн Жалал-Абад облусундагы коомдук иштерге аралашкан аялдардын катышуусунда форум уюштурулат. Бул тууралуу өкмөттүн облустагы өкүлчүлүгүнүн бөлүм башчысы Гүлзат Ашырова “Азаттыкка” билдирди.
Бул иш-чара быйылкы Тарых жана маданият жылына, май айындагы энелер майрамына карата өткөрүлүп, улут аралык ынтымакты бекемдөө, аялдарды коомго активдүү аралаштырууну көздөйт. Ага облустагы бардык район-шаарлардан 350дөн ашык аялдар кеңештеринин мүчөлөрү жана алдыңкы айымдар чакырылган. Форум соңунда ишкер аялдар менен көл өнөрчүлөрдүн көргөзмөсү өтүп, балдарды тарбиялоо, коомго салым кошуу маселеси камтылган кайрылуу кабыл алынат. (RsK)
