Жалпысы болуп, 21-майда “Азаттыктын” казак кызматынын тогуз кабарчысы кармалган. Баары полиция бөлүмүнө барып, түшүнүк кат жазышкан соң, бошотулган. Алардын дээрлик баарынын кол телефондорундагы бүгүнкү тартылган сүрөт, видеолору өчүрүлгөн.
20-майдан бери Казакстанда “Азаттыктын” сайты ачылбай жатат. Ушул тапта “Азаттыктын” казак кызматынын сайтына HTTPS коопсуздук протоколу аркылуу жана azatkaz.info сайты аркылуу кирип, маалымат алып жатышат. Ал эми видеотасмаларды VPN сервиси аркылуу көрүүгө болору кабарланууда.
