Жалал-Абаддын Базар-Коргон районунун борбордук базарынан өрт чыкты. Облустук өрткө каршы кызматынан “Азаттыкка” билдиришкендей, өрт кечээ кечки он бирлер чамасында болгон. Жалынды өчүрүүгө Жалал-Абад шаардык жана Ноокен райондук өрткө каршы кызматы тартылды.
Алдын ала маалыматтар боюнча базардын 70% бөлүгү өрттөлгөндүгү айтылууда. Адистер азыр жеринде тактоо иштерин жүргүзүүдө.
Борбордук базарда 500дөн ашык адам кийим-кечек жана турмуш-тиричилик техникаларын сатып эмгектенишет.(RsK)
