Чөлдү гилас бакка айландырган ишкер
Сузак районунун тургуну Рашид Бостонов 2001-жылы кургак чөлгө айланган талаага насос менен суу чыгарып, гилас бакка айландырды. Учурда 12 гектар аянттагы Кокон гиласынын түшүмүн багбан Орусияга экспорттоп, калгандарын чакан заводунда консервалап кыям жасап жатат. 500гө жакын адамды жумуш менен камсыз кылган ишкер айылдыктарга да багбанчылыктын сырларын үйрөтүүдө. Он жылдан бери жылына ушул бактан 100 тонна гилас жыйналат.