Саламаттык сактоо министри Талантбек Батыралиев бүгүнкү күндө республика боюнча 26 гана медициналык психолог бар экенин маалымдады. Анын айтуусунда, өлкө боюнча И. Арабаев атындагы КМУда жылына болгону 10 бүтүрүүчү медициналык психология боюнча адистикти алышат.
- Медициналык жана педогогикалык психологияга биз жакшы көңүл бурбай жатабыз. Биз улуттук программа иштеп чыгып, медициналык психология боюнча иш алып баруунун аракетин көрүп жатабыз. Бирок бүткүл коом жардам бербесе, биздин күчүбүз чектелүү
Бүгүн парламенттеги өкмөттүк саат учурунда Билим берүү министри Эльвира Сариева Кыргызстан боюнча болгону 95 мектепте гана психолог бар экенин кабарлады. (SDz)
