Сузак райондук өрткө каршы кызматы аймактагы ири соода жайы деп саналган Байэл базарында рейд өткөрдү. Мекеменин жетекчи орун басары Айбек Имановдун “Азаттыкка” билдиришинче, өрт коопсуздугун алдын алуу максатында уюштурулган рейд учурунда соодагерлерге түшүндүрүү иштери жүргүзүлдү.
Облус аймагында жыл башынан бери 148 өрт кырсыгы катталып, 22 млн сомго жакын чыгым алып келген. Ушул жуманын башында Базар-Коргон районунун борбордук базарында чыккан өрттөн 4300 чарчы метр аянт күйүп кетти. (RsK)
