“Басмачынын балдары деген шылдыңдан эгемендик куткарды”

Кеңеш өкмөтүнүн куугунтугуна кабылып, Кытай, Пакистан, Ооган мамлекеттерине баш калкалап кеткен кыргыздын көрүнүктүү инсандарынын бири Жаныбек Казы Сагынбай уулу жөнүндө тарыхый драманы жакында Жалал-Абад облустук театры көрүүчүлөргө тартуулады. 1869-жылы Өзгөн районунда туулуп, 1933-жылы Пакистанда көзү өткөн тарыхый инсан Жаныбек казыны чөбөрөсү Алмаз Зулпукаров эскерди.