Жалал-Абадда турак жайы бузулган жарандар шаар бийлигине нааразы болушууда. Анткени Ленин көчөсүн кеңейтүүдө алардын турак жайын шаар бийлиги уруксатсыз сүрдүрүп, келтирилген чыгым үчүн аз суммадагы каражат бөлүүдө дешет. Ал эми калаа жетекчилиги баары мыйзамдуу түрдө, көпчүлүктүн кызыкчылыгы менен аткарылып жатканын айтууда. Ленин көчөсүндө турак жайлары сүрдүрүлүп жаткан жашоочулар менен жолугуп жаткан Гүлгаакы Мамасалиева менен шаар мэри Салайдин Авазовдун ортосунда кайым айтышуу да орун алды.