Көз карандысыз мамлекеттердин шериктештигине мүчө өлкөлөрдүн премьер-министрлеринин саммитине катышуу үчүн Орусия өкмөт башчысы Дмитрий Медведев Бишкекке келди. Аны премьер-министр Сооронбай Жээнбеков “Манас” эл аралык аэропортунан тосуп алды.
Иш-сапардын алкагында Медведев президент Алмазбек Атамбаев менен да жолугушат.
Жыйынга катышуу үчүн Беларус, Казакстан, Тажикстан, Молдованын премьер-министрлери жана Азербайжан, Армения, Өзбекстан, Түркмөнстандан вице-премьер-министрлер келери күтүлүүдө. Кыргызстандагы Украина элчиси да чакырылган.
6-7-июнга белгиленген саммитте кызматташуу боюнча 22 документ каралып, жети келишимге кол коюлат.