Өз жубайын өлтүрүүгө шектелген 85 жаштагы Бишкектин тургуну кармалды. Бул тууралуу Бишкек шаардык ички иштер башкармалыгынан кабарлашты. Маалыматка ылайык, шаардын Кызыл-Аскер аймагындагы үйлөрдүн биринен улгайган адамдын дене мүчөлөрү табылган.
Бул окуя боюнча милиция кызматкерлери иликтөө иштерин баштап, өлтүрүлгөн адамдын тек-жайы аныкталган. Анын өлтүрүүгө шектүү катары 85 жаштагы абышкасы кармалды. Тергөөнүн алдын-ала маалыматтары боюнча, кемпирин өлтүрүп, мүчөлөп үйүнүн ар кайсы жерине каткан. Окуя боюнча иликтөө иштери жүрүп жатат.(BkA)
