9-июнда Улуттук филармонияда Кыргызстандагы жаш акындардын чыгармачыл кечеси өтөт. Кечени Тарых жана маданият жылына карата «Роза Отунбаеванын демилгелери» эл аралык коомдук фонду Жазуучулар биримдиги жана Улуттук филармония менен биргеликте өткөрүүдө. Кечеде жаш акындар Алтынбек Исмаилов, Сайра Батыркулова, Эрлан Жумагазиев, Кыял Тажиева жана Зайырбек Ажыматов, Афина Бакирова ырларын окуп, жаңы чыгармалары менен окурмандарды тааныштырат.
“Роза Отунбаеванын демилгелери” фонду Кыргызстандагы эл-журтка кеңири белгилүү акын-жазуучулардын жана жаш таланттардын поэтикалык кечелерин өткөрүп келет.(BkA)
