Бишкек шаарында май ташыган унаа жарылып, алдын ала маалыматтар боюнча 14 киши ар кандай деңгээлде жараат алды. Бул тууралуу “Азаттык” радиосуна мэриянын басма сөз кызматы билдирди.
Бүгүн кечке жуук Фучик көчөсүндө май ташыган унаа жарылып, өрттөнүп кеткен. Өзгөчө кырдаалдар министрлиги окуяга газ жабдыгын туура эмес колдонуу себеп болгонун билдирди.
Өрт өчүрүүгө алты атайын машине жана куткаруучулардын бир бригадасы тартылган.
