Өнүгүп жаткан өлкөлөрдөгү 3-4 жашар балдардын үчтөн биринин акыл-эси жалпы кабылданган стандарттарга шайкеш келбейт. БУУнун Балдар фонду жана ЮСАИДдин маалыматы боюнча, мындай балдар көбүнчө тропикалык Африкада, анын ичинде Чад, Сьерра-Леон жана Борбордук Африка Республикасында жашашат.
Изилдөө авторлорунун пикиринде, атайын программалардын жардамы менен каалаган курактагы баланын акыл-эсин өнүктүрүүгө көмөктөшсө болот. Канткен менен кем акылдык адамдын саламаттыгына гана эмес, социалдык калыптануусуна жана тийиштүү билим алуу жөндөмүнө да кедергисин тийгизет.
Окумуштуулар мунун себебин жакырчылыкка жана тамак-аштын жетишсиздигине байланыштырышат. Ошол эле учурда бул көйгөйдүн тамырын кошумча изилдөөнүн зарылдыгын белгилешүүдө.
