“Азаттык” Бишкек шаарынын тургундарына жана конокторуна ушундай суроо берип, ар кыл жоопторду укту. 7-июнда Жогорку Кеңештин социалдык саясат боюнча комитетинде жума намаз убагында түшкү эс алууну эки саатка чейин узартуу боюнча "Өнүгүү-Прогресс" партиясынын депутаты Тазабек Икрамов сунуштаган мыйзам долбоору талкууланып, көпчүлүк добуш менен четке кагылган. Мындан кийин Чубак ажы Жалилов жума намаздын убактысын узартуу боюнча мыйзам долбоорун колдобогон эл өкүлдөрүнө жаназа окулбасын деген пикирин "Фейсбукка" жазып, коомдук кызуу талкуусуна алынды.