Ливия өкмөтү “Ислам мамлекети” террордук тобу ээлеп алган Сирт шаарын бошотуу боюнча 12-июндан тарта атайын операцияларды баштады. Бирок топтун жанкечтилери уюштуруп жаткан жардыруулар өкмөт күчтөрүнүн алгылыктуу аракеттерди жасашына тоскоол болуп жатканын жергиликтүү расмий булактар жазып чыгышты. Бир күн мурда Ливия кошуундары Сирт портун ээлегени маалымдалган болчу.
Жер ортолук деңизинин боюнда жайгашкан бул шаарды “Ислам мамлекети” тобу 2015-жылы басып алган. Жоочулар Сиртти Түндүк Африкадагы операциялары үчүн негизги базага айлантышкан.
