Эл аралык “Чек арасыз дарыгерлер” медициналык-кайрымдуулук уюму Европа Биримдигинин миграция саясатына нааразылык билдирип, уюмдан көмөк алуудан баш тартты. Аталган уюм Европа Биримдиги быйыл март айында Жакынкы Чыгыштан келген бозгундарды Түркияга кайтаруу боюнча Анкара менен түзгөн келишимин сындап келет.
2015-жылы “Чек арасыз дарыгерлер” уюму Европа Биримдигинен жана ага мүчө мамлекеттерден 63 миллион доллар каражатты кайрымдуулук жардамы иретинде алган. (SE)
