АКШ аскерий жетекчилиги Ирак армиясы Фаллужа шаарын “Ислам мамлекети” экстремисттик тобунун согушкерлеринен толук бошото электигин маалымдады. Террордук топко каршы түзүлгөн эл аралык коалициянын басма сөз катчысы, полковник Кристофер Гравер 21-июнда билдиргендей, калаанын түштүк бөлүгү гана тазаланды.
17-июнда Ирак армиясы Фаллужа шаарынын административдик имаратына өлкө байрагын орноткон. Андан соң өкмөт башчы Хайдар ал-Абади калаа жоочулардан дээрлик бошотулганын, бир-эки саат ичинде согушкерлер жок кылынарын айткан болчу. Андан бери шаардын түндүк бөлүгүндө өкмөт күчтөрү менен согушкерлердин тиреши уланууда.
Фаллужа шаары 2014-жылы “Ислам мамлекети” экстремисттик тобунун көзөмөлүнө өткөн болчу. (SE)
