Түркиянын ички иштер министри Эфкан Аланын 30-июндагы маалыматы боюнча, "Ататүрк" аэропортунда өзүн жардырган жанкечтилерин биринин өздүгү такталды. Калган экөөнү аныктоо иштери уланууда. Эфкан Ала ким экени белгилүү болгон жанкечти жана кандуу кыргынга кыргызстандык, өзбекстандык жарандын катышканы тууралуу маалымат айткан жок.
Стамбулдагы Кыргызстандын башкы консулдугу Түркиянын күч органдарына таянуу менен ДНК жана башка тиешелүү анализдер чыга электигин, террорчулардын тек-жайы тууралуу жалпыга маалымдоо каражаттарында жарыяланган кабарлар так эместигин билдирди. (NT)
