Атамбаев Орозо айт майрамы менен куттуктады

5-июлда өлкөнүн бардык аймактарында айт намазы окулуп, Орозо айт майрамы белгиленүүдө. Бишкектин Жеңиш аянтындагы майрамдык намазга премьер-министр Сооронбай Жээнбеков баштаган он миңге жакын адам катышты. Президент Алмазбек Атамбаевдин куттуктоосун өкмөт башчы окуп берди. Мамлекет башчысы өз куттуктоосунда саясатка баш салып жаткан диний ишмерлер коом үчүн опурталдуу көрүнүш экенин билдирген. Атамбаев Арашан айлындагы мечитке барып алакан жайды.