Ысык-Көл районундагы «Чолпон-Ата керек-жарак» кооперативинин мүчөлөрү башкаруучу топту кооперативге тиешелүү мүлктөрдү макулдашпай сатып жиберди деп айыптап, мүлктөрдү кайтарсын, үлүштөрдү төлөсүн деп талап коюп жатышат. 1996-жылы кайра түзүлүп, уставы бекитилген «Чолпон-Ата керек-жарак» кооперативине тиешелүү көптөгөн соода-сатык имараттарынын эсеп-кысабын тактагысы келген жыйырмадай мүчөсү демилгелүү топ түзүп иштеп жатышат. Мындай демилге кооперативдин жетекчиси Болот Бейшебаев мыйзамсыз иш жасап жатат деген дооматынан улам келип чыккан.