Клинтондун демократиялык партиядан атаандашы болгон Берни Сандерс 12-июлда Клинтон менен катарлаш туруп, “бул биздин кезектеги президентибиз болушу керек” деди.
Вермонт штатынын сенатору Сандерс “өзүнүн саясий революциясы уланаарын” кошумчалады. Бирок ал талапкер болуп көрсөтүлүш үчүн керек болгон делегаттардын добушун Клинтон айым утканын белгиледи.
Сандерс Республика партиясынан талапкер Дональд Трамп менен күрөштө Клинтонго жардам кыларын билдирди. Ал Хиллари Клинтон АКШнын алдында турган маселелерди чечүүгө жөндөмдүү “мыкты талапкер” экенин ырастады. (AiT)
