АКШнын мамлекеттик катчысы Жон Керри 14-июлда Москвада Орусия президенти Владимир Путин менен кезигип, Сирия, Украина жана эки тараптуу алаканы талкууга алды. Жолугушуунун алдында Керри АКШ менен Орусия дүйнөгө пайда алып келчү көп нерсе жасай аларын билдирген.
Америкалык басылмалар Керри Москвага Сирия боюнча бир нече демилге менен барганын, анын ичинде террорчуларга каршы күрөштү биргеликте координациялоо сунушу бар экенин жазууда. Бул Керринин 2015-жылдын майынан бери Орусияга болгон төртүнчү сапары.
