АКШ президенттик шайлоодон кийин да Борбор Азия мамлекеттерине карата тышкы саясатын өзгөртпөйт. Бул тууралуу “Азаттык” радиосуна АКШ мамлекеттик департаментинин маалымат катчысы Жошуа Бейкер билдирди:
-Биздин өлкөнүн тышкы саясаты бир кишиден көз каранды эмес. АКШнын бул чөлкөм менен кызматташууга кызыкдарлыгына C5+1 жолугушуулары далил.
3-августта Вашингтондо АКШ мамлекеттик катчысы Жон Керри менен Борбор Азия өлкөлөрүнүн тышкы иштер министрлери C5+1 форматында жолугушкан.
АКШда президенттик шайлоо быйыл 8-ноябрда өтөт. (SE\BkA)